बिहीबार, ८ भदौ, २०७४
OnlineKhabar.com

धरानमा दोश्रो क्रस कन्ट्री माउण्टेन बाइक रेस हुने

अनलाइनखबर


२९ साउन, काठमाडौं । धरानमा दोश्रो क्रस कन्ट्री माउण्टेन बाइक रेस हुने भएको छ । नेशनल साइक्लिङ एसोसियसनले विश्व पर्यटन दिवसको अवसर पारेर भदौ ३१ गते धरानमा दोश्रो क्रस कन्ट्री माउण्टेन बाइक रेस आयोजना गर्ने भएको हो ।

खुल्ला समूह र अण्डर १९ उमेर समुह गरी २ बिधामा सम्पन्न हुने प्रतियोगिताका विजयीले क्रमशः ५०, ३० र २० हजार नगद पुरस्कार प्राप्त गर्ने एसोसियसनका अध्यक्ष जिवन राईले जानकारी दिए ।

प्रतियोगीतमा सहभागिताका लागि भदौ २५ गतेदेखि नाम दर्ता सुरु भैसकेको छ ।

३० किलोमिटर दुरीको दोश्रो क्रस कन्टि्र माउण्टेन बाइक रेसमा सहभागिताका लागि नेशनल साइक्लिङ एसोसियसनको फेसबुक पेजमा नाम दर्ता गराउनुपर्ने व्यवस्था गरिएको छ ।

एसोसियसनले गत वर्ष पनि विश्व पर्यटन दिवसकै अवसर पारेर प्रथम क्रस कन्ट्री माउण्टेन बाइक रेस आयोजना गरेको थियो ।
नेपालमा खेलकुद पर्यटनको सम्भावनालाई उजागर गर्ने उदेश्यले प्रतियोगीताको आयोजना गरेको एसोसियसनका अध्यक्ष राईले बताए ।

२०७४ साउन २९ गते १६:२३ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this