१४ भदौ, गुल्मी । ब्लड क्यान्सरबाट पीडित गुल्मी हस्तीचौरका एक बालकलाई बेल्जियममा बस्ने नेपालीले एक लाख रुपैयाँ सहयोग पठाएका छन् ।
एक वर्षदेखि ब्लड क्यान्सर लागेर जीवनमरणको दोसाँधमा रहेका १४ वर्षीय रमेश घिमिरेलाई बेल्जियममा रहेका नेपालीले उपचारका लागि सो रकम सहयोग गरेका हुन् । गुल्मीकै वस्तु-१ हुलाके घर भई पाँच वर्षदेखि बेल्जियममा रोजगारी गर्दै आएका रामप्रसाद पाण्डेको नेतृत्वमा रकम सङ्कलन गरी रमेशका बाबु रामलाल घिमिरेलाई पठाइएको हो ।
उक्त सहयोग गुल्मी, अर्घाखाँची, बाग्लुङ, म्याग्दी, पर्वत, स्याङ्जा, पाल्पालगायतका छिमेकी जिल्ला एवम् अन्य जिल्लाका नेपालीबाट सङ्कलन गरिएको पाण्डेले बताउनुभयो । ब्लड क्यान्सर पीडित बालकको सहयोगको अपिलसम्बन्धी खबर सञ्चारमाध्यममा आएपछि आफूहरूले सहयोग गरेको बेल्जियमवासी नेपालीले बताएका छन् । रासस
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4