लगातार ७ वटा सिनेमा सय करोड क्लबमा प्रवेश गरेपछि बलिउडका नायक सलमान खानको चर्चा चुलिएको छ । चर्चा यसरी चुलिएको छ कि, सलमान खानलाई बक्स अफिसका राजा समेत भन्न थालिएको छ ।
तर चलचित्र ‘किक’ सफल भएको खुशीयालीमा आयोजित एक कार्यक्रममा भने सलमानले बलिउडको राजा आफू नभएको बताएका छन् । उनले बलिउडमा ‘किङ’को रुपमा साहरुख खान रहेको भन्दै त्यो स्थान उनलाई नै सुहाउने बताए । सलमानले अहिले बलिउडमा आफ्नो स्थान कतै हराएको भन्दै साहरुख खान बलिउडको राजा भएको बताएका हुन् ।
यता बलिउडका नायक साहरुख खानले पनि सलमान र आफ्नो सम्बन्ध निक्कै नजिकको रहेको बताएका छन् । ‘सलमान र म साथी जस्तै छौ’, साहरुखले भने । उनी निक्कै मिलनसार रहेको साहरुखको भनाई छ ।
