२० असोज, काठमाडौं । ओलम्पिक खेलकुद इतिहासमा सर्वाधिक स्वर्ण पदक जितेर चर्चित बनेका पौडीबाज माइकल फ्लेप्स प्रहरीको हिरासतमा परेका छन् ।
अत्यधिक रक्सी खाएर तीव्र गतिमा सवारी चलाएको आरोपमा उनलाई प्रहरीले पक्राउ गरेर हिरासतमा राखेको हो ।
म्याक हेनरी टनेलमा रक्सी पिएर उच्च गतिमा सवारी चलाएको भन्दै फ्लेप्सलाई मेरील्यान्ड प्रहरीले पक्राउ गरेको हो ।
उक्त टनेलभित्र प्रतिघन्टा ७२ किलोमिटरको गतिमा सवारी चलाउनुपर्नेमा उनले प्रतिघन्टा एकसय ३५ किलोमिटरको गतिमा सवारी चलाएका थिए ।
ओलम्पिकमा इतिहास रचेका उनले सोच्नै नसक्ने गरी सवारी चलाएको प्रहरीले जनाएको छ । उनलाई पक्रँदा उनको सवारीबाट हि्वस्कीको गन्ध आएको थियो ।
फ्लेप्स ओलम्पिकमा सर्वाधिक १८ स्वर्ण पदक जित्ने पौडी खेलाडी हुन् ।
