३१ असोज, सिरहा । सिरहाको जमदह गाविस वडानम्बर ३ स्थित गागन नदीबाट गाँजासहित दुईजनालाई सशस्त्र प्रहरीले पक्रेको छ ।
पक्राउ पर्नेमा लालपुर-७ का बुद्ध यादव र उदयपुरको रिस्कु-२ का नरबहादुर राई रहेका छन् । उनीहरुको साथबाट ४३ किलो ५ सयग्राम गाँजा बरामद भएको प्रहरीले जनाएको छ ।
प्लास्टिकका दुईवटा बोरामा गाँजा राखेर भारततर्फ गइरहेको अवस्थामा उनीहरुलाई विहीबार राति ११ बजे पक्राउ गरिएको इलाका प्रहरी कार्यालय गोलबजारका प्रहरी निरीक्षक विदुर भट्टराईले जानकारी दिए ।
उदयपुरबाट गागन नदी हुँदै भारत गाँजा लैजादै गरेको भन्ने विशेष सूचनाको आधारमा दुबैजनालाई पक्रन सफल भएको उनको भनाइ छ ।
०००
