Comments Add Comment

कूल बीमा शुल्कको झन्डै आधा ‘अटो प्रिमियम’

पुष्प दुलाल

१० कात्तिक, काठमाडौं । सरकारले सवारीसाधन बीमा अनिवार्य गरेसँगै निर्जीवन बीमा कम्पनीको कारोबार बढेको छ । कूल निर्जीवन बीमा व्यवसायको झन्डै आधा हिस्सा ‘अटो प्रिमियम’ रहेको तथ्यांकले नेपालमा मोटर बीमाको दायरा फराकिलो बन्दै गएको पुष्टिसमेत गर्छ ।

सञ्चालनमा रहेका कम्पनीहरुले आर्थिक वर्ष २०७०/०७१ मा २६ लाख १० हजार सवारी साधन बीमालेख जारी ३ अर्ब ५ करोड ७३ लाख रुपैयाँ अटो प्रिमियम संकलन गरेको बीमा समितिले जनाएको छ ।

यस अवधिमा कम्पनीहरुले १ अर्ब ६० करोड रुपैयाँ  दाबी भुक्तानी गरेका छन् । समितिका अनुसार निर्जीवन बीमा कम्पनीहरुको कूल पि्रमियम ६ अर्ब ७५ करोड रुपैयाँ रहेको छ ।

सरकारले मोटर बीमा र तेस्रो पक्ष बीमा अनिवार्य गरेपछि मोटर बीमाको आकार बढेको प्रिमियर इन्स्योरेन्सका प्रमुख कार्यकारी अधिकृत सुधुम्न उपाध्यायले अनलाइनखबरलाई बताए ।

Gadi-export-import

‘सरकारले सवारी साधन र तेस्रो पक्ष बीमा अनिवार्य गरेपछि यो क्षेत्रले निर्जीबन बीमा कम्पनीहरुको कारोबार करिब १०० प्रतिशतले बढाएको छ’ उनले भने ।

सवारी साधनको संख्या बढेसँगै अटो इन्स्योरेन्सको कारोबार बढेको लुम्बीनी जनरल इन्स्योरेन्सका प्रमुख कार्यकारी अधिकृत शेखर बराल बताउँछन् ।

‘खासगरी पछिल्ला वर्षहरुमा नेपालमा निजी सवारी साधनको संख्या अत्यधिक बढेको छ, संख्या बढेसँगै अटो इन्स्योरेन्सको कारोबार पनि बढेको हो, बैंकहरुले पनि सवारीसाधनमा कर्जा बढाएका छन्’ बरालले भने ।

प्रत्येक वर्ष निर्जीवन बीमा कम्पनीहरुको व्यवसाय १५ देखि १८ प्रतिशतले बढ्दै गएको बरालले बताए । बढ्दो व्यवसायसँगै ‘फेक क्लेम’ अर्थात झुटो दाबी पनि बढेको उनको गुनासो छ ।

‘फेक क्लेम समस्याकोरुपमा झाँगिदै गएको छ, यसतर्फ सरोकारवालाले समयमै ध्यानाकर्षण हुन जरुरी भइसकेको छ’ उनले भने ।

कति सवारी साधन छन् ?

यातायात व्यवस्था विभागका अनुसार नेपालमा सवारी साधनहरुको संख्या १७ लाख छ । विभागका अनुसार १३ लाख ७१ माेटरसाइकल, ३२ हजार बस, १४ हजार ७ सय मिनिबस/मिनी ट्रक, ५२ हजार ९ सय हृयाभी गाडी रहेका छन् ।

त्यसैगरी, २ हजार ८ सय माइक्रो, २३ हजार ८ सय पिकअप, १ लाख ५० हजार कार जीप र भ्यान, ९३ हजार ट्रयाक्टर पावर ट्रेलर र अन्य ६ हजार ५ सय रहेका छन् ।  अझै पनि सबै सवारी साधन बीमाको पहुँचमा नआएको सरोकारवालाहरु बताउँछन् ।

सवारी साधनमा बैंकहरुको लगानी १२ अर्ब

बैंकको व्याजदर सस्तो भएपछि खरिदकर्ता थपिँदा सवारी साधनको आयात २२ प्रतिशतले बढेको छ । आयातमा भएको वृद्धिसँगै यो क्षेत्रबाट उठ्ने राजस्व पनि १७ प्रतिशतले बढेको छ ।

सस्तो व्याजदरमा सवारी साधन कर्जा (अटोलोन) पाएपछि सवारी साधनका खरिदकर्ता बढेको सानिमा बैंकका प्रमुख कार्यकारी अधिकृत भुवन दाहाल बताउँछन् ।

registered-VEHICLES-at-nepal

‘बैंक व्याजदर घटेपछि सवारी कर्जा बढेको छ’ सीइओ दाहालले भने- सस्तो व्याजमा कर्जा पाएपछि आफ्नै गाडी चढौं न भन्ने नेपाली मानसिकता छ ।’

अघिल्लो वर्षको जेठ महिनामा ११.३ प्रतिशतले घटेको सवारी साधन कर्जा गत वर्षको सोही महिनामा भने ११.८ प्रतिशतले बढेको छ । अघिल्लो वर्ष १४/१५ प्रतिशत रहेको सवारी कर्जाको व्याजदर गत वर्ष १० प्रतिशतको हाराहारीमा झरेको छ ।

‘व्याजदर यसरीनै घट्ने हो भने सवारी साधनको आयात अझै बढ्छ’ दाहालले भने -अधिक तरलताका कारण व्याजदर घटेको छ, त्यसैले बैंकहरु आम्दानीका लागि यो क्षेत्रमा लगानी बढाउन बाध्य हुन्छन् ।’

एक वर्षको अवधिमै बैंकहरुले १ अर्ब २५ करोड ७३ लाख रुपैयाँ सवारी साधन कर्जा बढाएका छन् । राष्ट्र बैंकका अनुसार जेठ मसान्तसम्ममा बैंकहरुले ११ अर्ब ९४ करोड ४० लाख रुपैयाँ सवारी साधन कर्जा प्रवाह गरेका छन् । अघिल्लो वर्षको यसै अवधिमा यस्तो कर्जा १० अर्ब २८ करोड २५ लाख रुपैयाँ थियो ।

अधिक  तरलता (लगानी योग्य पुँजी) को उच्च चापमा रहेका रहेका बैंक तथा वित्तीय संस्थाहरुले ‘अटोलोन’ बढाएको राष्ट्र बैंकका प्रवक्ता मनमोहनकुमार श्रेष्ठले बताए ।

लगानीका अन्य क्षेत्र पहिचान नभइसकेको तर बैंकसँग अधिक तरलता भएका कारण आम्दानीका लागि सवारी साधानमा कर्जा बढाएको उनको भनाई थियो ।

व्यापार निर्यात तथा प्रवर्द्धन केन्द्रका अनुसार आर्थिक वर्ष २०७०/०७१को जेठ महिनासम्ममा नेपालले ३६ अर्ब ३४ करोड रुपैयाँ बराबरको सवारी साधन तथा यसका पाटपुर्जा आयात गरेको छ । जुन, आव २०६९/०७०को जेठ महिनाको तुलनामा २२.१ प्रतिशतले बढी हो ।

केन्द्रका अनुसार जेठ महिनासम्ममा सवारी साधनको आयातबाट राज्यले ३ अर्ब ९८ करोड रुपैयाँ राजस्व उठाएको छ । यो अघिल्लो वर्षको तुलनामा १७.२ प्रतिशले बढी हो । अघिल्लो जेठ मसान्तमा ३ अर्ब ४९ करोड २७ लाख रुपैयाँ राजस्व असूली भएको थियो ।

बीमकको नाम विवरण मोटर बीमा
नेपाल इन्स्योरेन्स जारी बीमालेखको संख्या                    199,035
कुल बीमाशूल्क (रु.हजारमा)                     217,917
खूद दावी भूक्तानी (रु.हजारमा)                      66,701
दिओरिएन्टल इन्स्योरेन्स जारी बीमालेखको संख्या                     83,098
कुल बीमाशूल्क (रु.हजारमा)                      56,481
खूद दावी भूक्तानी (रु.हजारमा)                      23,910
राष्ट्रिय बीमा संस्थान जारी बीमालेखको संख्या                    132,459
कुल बीमाशूल्क (रु.हजारमा)                   288,246
खूद दावी भूक्तानी (रु.हजारमा)                     121,964
नेशनल ई.कं.लि. जारी बीमालेखको संख्या                     113,975
कुल बीमाशूल्क (रु.हजारमा)                    142,952
खूद दावी भूक्तानी (रु.हजारमा)                     80,720
हिमालयन जनरल इन्स्योरेन्स जारी बीमालेखको संख्या                    125,394
कुल बीमाशूल्क (रु.हजारमा)                     125,172
खूद दावी भूक्तानी (रु.हजारमा)                       53,171
युनाइटेड इन्स्योरेन्स जारी बीमालेखको संख्या                      91,900
कुल बीमाशूल्क (रु.हजारमा)                     74,435
खूद दावी भूक्तानी (रु.हजारमा)                      15,789
पि्रमियर इन्स्योरेन्स जारी बीमालेखको संख्या                     68,075
कुल बीमाशूल्क (रु.हजारमा)                     22,820
खूद दावी भूक्तानी (रु.हजारमा)                               –
एभरेष्ट इन्स्योरेन्स जारी बीमालेखको संख्या                               –
कुल बीमाशूल्क (रु.हजारमा)                               –
खूद दावी भूक्तानी (रु.हजारमा)                        8,253
नेको इन्स्योरेन्स जारी बीमालेखको संख्या                     97,087
कुल बीमाशूल्क (रु.हजारमा)                      103,711
खूद दावी भूक्तानी (रु.हजारमा)                     79,429
सगरमाथा इन्स्योरेनस जारी बीमालेखको संख्या                    247,617
कुल बीमाशूल्क (रु.हजारमा)                   280,660
खूद दावी भूक्तानी (रु.हजारमा)                     106,015
एलाइन्स इन्स्योरेन्स जारी बीमालेखको संख्या                   237,222
कुल बीमाशूल्क (रु.हजारमा)                    316,407
खूद दावी भूक्तानी (रु.हजारमा)                     116,369
एनबी इन्स्योरेन्स जारी बीमालेखको संख्या                      28,918
कुल बीमाशूल्क (रु.हजारमा)                       13,971
खूद दावी भूक्तानी (रु.हजारमा)                      15,226
प्रूडेन्सियल इस्योरेन्स जारी बीमालेखको संख्या                    197,984
कुल बीमाशूल्क (रु.हजारमा)                   242,588
खूद दावी भूक्तानी (रु.हजारमा)                     84,973
शिखर इन्स्योरेन्स जारी बीमालेखको संख्या                    250,154
कुल बीमाशूल्क (रु.हजारमा)                   338,493
खूद दावी भूक्तानी (रु.हजारमा)                    165,630
लूम्विनी जनरल इन्स्योरेन्स जारी बीमालेखको संख्या                    246,179
कुल बीमाशूल्क (रु.हजारमा)                    302,513
खूद दावी भूक्तानी (रु.हजारमा)                    159,663
एनएलजी इस्योरेन्स जारी बीमालेखको संख्या                   262,780
कुल बीमाशूल्क (रु.हजारमा)                   292,472
खूद दावी भूक्तानी (रु.हजारमा)                     119,656
सिद्धार्थ इस्योरेन्स जारी बीमालेखको संख्या                   229,028
कुल बीमाशूल्क (रु.हजारमा)                   238,536
खूद दावी भूक्तानी (रु.हजारमा)                   387,727
कूल जारी बीमालेखको संख्या  2,610,905
कुल बीमाशूल्क (रु.हजारमा)   3,057,374
खूद दावी भूक्तानी  (रु.हजारमा)   1,605,196

यो खबर पढेर तपाईलाई कस्तो महसुस भयो ?

ट्रेन्डिङ

Advertisment