बलिउड अभिनेता ऋतिक रोसन र पत्नी सुजैनबीच पारपाचुके भएको करिव एक बर्षपछि अदालतले स्वीकृति प्रदान गरेको छ ।
भारतीय संचार माध्यमहरुका अनुसार पारिवारिक अदालतले शनिवार उनीहरुको मुद्दामा फैसला गर्दै सम्बन्धबिच्छेदको अनुमति दिएको हो ।
ऋतिक र सुजैन बेग्लाबेग्लै गाडीमा अदालत पुगेका थिए ।
अदालतले सन्तानलाई हुर्काउन दुवैको अभिभावकीय भूमिका हुने फैसला गरेको छ ।
ऋतिक र पत्नी सुजैनले सन् २०१३ डिसेम्बरमा सम्बन्ध बिच्छेदको घोषणा गरेका थिए । बाल्यकालदेखिको प्रेमलाई बिबाहमा परिणत गरेका उनीहरुले १४ बर्षको बैबाहिक जीवन अन्त्य गरेका थिए ।
सम्बन्धबिच्छेद गर्दा ऋतिकले पत्नी सुजैनलाई दिने पैसाबारे सहमति जुटन नसक्दा औपचारिक सम्बन्ध बिच्छेदका लागि समय लागेको संचारमाध्यमहरुले जनाएका छन् । सुजैनले ऋतिकसँग करिव ४ अर्ब भारतीय रुपैयाँ मागेको बताइएको छ ।
