प्रियंका चोपडा र शहिद कपुर सर्वोत्कृष्ट (फोटो कथा)

मुम्बई । वर्ष २०१४ सकिन केही दिन मात्रै बाँकी छ । यही बिचमा यो वर्ष कुन कलाकारले के कति उपलब्धी हात पारे हिसाब किताब गर्ने क्रम सुरु भएको छ ।
अवार्डले बलिउड कलाकारको स्तर निर्धारण गर्ने भएकाले अवार्डलाई विषेश महत्व दिन्छन् कलाकर्मीहरु । बिग स्टार इन्टरटेनमेन्टले मुम्बईमा आयोजना गरेको अवार्ड कार्यक्रम निकै भब्य भयो ।
बलिउडका तमाम हस्तिहरुको उपस्थिती थियो कार्यक्रममा । चलचित्र ‘मेरी कोम’वाट अभिनेत्री प्रियंका चोपडाले मष्ट इन्टरटेनिङ फिमेल एक्टर इन सोशल ड्रामा र फिमेल एक्टर (फिल्म) गरी दुर्इ अवार्ड पाईन् । अभिनेता शाहिद कपुरले ‘हैदर’वाट माष्ट इन्टरटेनिङ एक्टर सोसल ड्रामाको अवार्ड पाए ।
कार्यक्रममा ‘एक भिलेन’ लाई मष्ट इन्टरटेनिङ थ्रिलर फिल्म र ‘मेरी कोम’ लाई मष्ट इन्टरटेलिनङ सोसल ड्रामा फिल्मको अवार्ड प्रदान गरिएको थियो । त्यस्तै फिल्म ‘हैदर’ले मष्ट इन्टरटेनिङ फिल्म अफ द इयरको अवार्ड समेत पायो ।

अभिषेक बच्चनले ‘ह्याप्पी न्यु इयर’वाट वेष्ट एक्टर इन कमेडी अवार्ड पाए । ‘हंसी तो फसी’ मा अभिनय गरेका सिद्धार्थ मल्होत्राले मष्ट इन्टरटेनिङ मेल एक्टर इन रोमान्टिक अवार्ड पाए ।
अर्का नायक रितेश देशमुखले ‘एक भिलेन’वाट मष्ट इन्टरटेनिङ मेल एक्टर इन थ्रीलर अवार्ड पाए । किक वाट ज्याकलिन फर्नाडसलाइ चित्ताकर्षक डान्सका लागि मष्ट इन्टरटेनिङ डान्सको अवार्ड दिइयो भने ‘गुण्डे’वाट अर्जुन कपुरलाई मोष्ट इन्टरटेलिङ मेल एक्टर इन एक्सनको अवार्ड प्रदान गरिएको थियो ।
कार्यक्रममा अभिताभ बच्चन, जितेन्द्र, मनिषा कोइराला देखी अलिया भट्ट समेतको उपस्थिती थियो । सोनाक्षी सिन्हा, सलमान खान लगायतले विभिन्न आकर्षक नृत्य प्रस्तुत गरेका थिए ।