४ माघ, काठमाडौं । गोरखामा मुख्य कार्यालय रहेको मनास्लु विकास बैंकले आइतबारदेखि तीन लाख कित्ता हकप्रद सेयरका लागि आवेदन खुल्ला गरेको छ ।
बैंकले हाल कायम रहेको चुक्ता पुँजीको प्रति चार कित्ता बराबर एक कित्ताका दरले आवेदन खुलाएको हो । हाल बैंकको चुक्ता पुँजी १३ करोड १७ लाख रुपैयाँ छ ।
माघ १० गतेसम्म हकप्रद सेयरका लागि आवेदन दिन सकिने बैंकले जनाएको छ । लगानीकर्ताले ग्रोमर मर्चेन्ट बैंकर र मनास्लुका सबै शाखाहरुबाट आवेदन दिन सक्नेछन ।