जंगलको राजा सिंहलाई भैँसीले लखेटेपछि….(फोटोकथा)

ऐन मौकामा मै हुँ भन्नेले पनि आफुभन्दा कमजोर ठानिएकाहरुसँग नराम्ररी झुक्नुपर्छ भन्ने उदाहरण एउटा सिंहले भोगेको छ । जंगलको राजा सिंहले आफ्नै आहारा ठानिएका भैँसीबाट ज्यान जोगाउन त्रसित भएर भाग्नुपरिरहेको दृश्य साँच्चीकै रोचक मात्र छैन मननीय पनि छ ।

केन्याको मसाइ मारा राष्ट्रिय वन्यजन्तु आरक्षमा जंगली भैँसीको सिकार गर्न गएको एक जोडी सिंहमाथि भैँसीको बथान नै जाई लागेपछि झण्डै सिंहको ज्यानै गएन । धन्य ऊ ज्यान जोगाएर भाग्न सफल भयो । आफ्नो शत्रु सिंह आफुहरुसँग पराजित भएर भागेपछि भैँसीहरु पनि के कम ? उसलाई अलि परसम्मै लखेटे ।

जंगल सफारीका क्रममा हालै दुइजना फोटोग्राफरले यो दुर्लभ दृश्यलाई आफ्नो क्यामरामा कैद गरेका हुन् ।

भाले सिंहको सहारा पाएको पोथी सिंहिनी भैँसीको सिकार गरेर आहारा बनाउने प्रयास स्वरुप भैँसी चरिरहेको स्थानतर्फ गएर आक्रमणको प्रयास गर्यो । तर आफ्नो नजिक सिकारी आएको भैँसीहरुले चाल पाए । सबै भैँसीका बथान आफ्नो शत्रु सिंहमाथि एकजुट भएर प्रत्याक्रमणमा उत्रिने निधो गरे । त्यो सँगै डरलाग्दा सिङ भएको टाउको हल्लाउँदै भैँसीहरु त्यो सिंहिनी र उसको भाले सिंहमाथि जाइ लाग्न थाले । सबै भैँसी धुइरिएपछि ज्यानै जाने ठानी सिंह र सिंहिनी डराए भागे ।

सिंहिनी तरुनी थिइ त्यसैले अलि जोडसँग दौडेर लुक्न सफल भई । तर बुढो सिंह भने खासै दौडिन सकिरहेको थिएन । ऊ आफ्नै आहाराको अगाडि अगाडि डराउँदै लखतरान भएर भागिरहेको थियो । उसको आँखामा त्रास स्पष्ट देखिन्थ्यो