१२ जेठ, काठमाडौं । साढे तीन किलो अवैध सुनसहित भारतीय मुलका सिंगापुरीयन नागरिक त्रिभुवन अन्तर्राष्ट्रिय विमानस्थलबाट पक्राउ परेका छन् ।
मंगलबार राती करिब ९ बजे मालिण्डो एयरबाट मलेसियाको कोलालम्पुर हँदै नेपाल आइपुगेका मारुजैन सेलभान साढे तीन किलो सुन सहित पक्राउ परेको विमानस्थलका भन्सार प्रमुख योगेन्द्र भट्टचनले बताए ।
विमास्थलमा भन्सार सेलभानले बोकेको झोला एक्सरे मेसिनमा चेक गर्दा एक किलो सुन भेटिएको उनले बताए । उनले भने ‘ हृयाण्ड ब्यागमै सुन भेटिए पछि हामीले लेगज पनि चेक गर्दा थप साढे दुई किलो सुन भेटिएको हो’ भन्सार प्रमुख भट्टचनले भने ।
श्रीमती सहित नेपाल आइपुगेका सेलभानले माइक्रोओभनमा लुकाएर साढे दुई किलो र हृयाण्ड ब्यागमा १ किलो सुन ल्याएका थिए ।
नेपाल आउने विदेशीले ५० ग्रामको गहना मात्रै लगाएर आउने नियम भएकोले सेलभानलाई थुनामा राखेर अनुसन्धान भैरहेको भन्सार प्रमुख भट्टचनले बताए ।
प्रतिक्रिया 4