हेर्नुहोस् कोरला नाका पुग्ने कालीगण्डकीको रुट (फोटो फिचर)

१३ असार, काठमाठौं । तिब्बत र नेपाललाई जोड्ने मुस्ताङ जिल्लामा अवस्थित कोरला नाका खुलेको चर्चा चलेको केही साता भयो । दुई देशको व्यापार प्रवर्द्धनका लागि कोरला नाकामा व्यापारिक मेलाको तयारी भइरहेको छ ।

मुस्ताङको जोमसोमबाट कालीगण्डकीको बगर हुँदै कोराला नाका पुग्न सजिलो चाँहि छैन । कोरला नाका जोमसोमबाट ९३ किलोमिटर उत्तरमा पर्छ । दायाँ-वायाँ ठुल्ठुला पहरा रहेको कालीगण्डकीको खोंच हुँदै कोराला पुग्ने बाटो नेपाल सरकारले राम्रो बनाउन सकेन भने यो नाकाबाट धेरै उपलब्धि लिन सकिने अवस्था छैन ।

कोरला नाका मुस्ताङको छोसेर गाविससँग जोडिएको छ । तिब्बततर्फको भागमा भौतिक संरचनाहरु बनेको देखिन्छ । त्यहाँ सोलार प्यानल र चिनियाँ सेनाको क्याम्प देखिन्छ । सीमानामा चीन सरकारले तार जाली लगाएको छ ।

हालै नेपाली सेनाको ठूलो ट्रक चढेर सरकारी अधिकारीहरु कोरला नाकासम्म पुगेका थिए ।  साना गाडीहरु पनि कोरलासम्म पुगेका थिए ।

म्याग्दीको बेनीबाट तातोपानी, घासा, टुकुचे र मार्फा हुँदै जोमसोम पुगिन्छ भने त्यहाँबाट ९३ किमी टाढा रहेको कोरला नाकासम्म पुग्न कागबेनी, छुसाङ हुँदै कालीपुल तरेर अघि बढ्नुपर्छ ।

बाटोमा समर, घमी, चराङ हुँदै चर्चित पर्यटकीय स्थल लोमान्थाङ पुगिन्छ ।  लोमान्थाङबाट छोन्दुप हुँदै छोसेर गाविसमा रहेको कोरला नाका पुगिन्छ । कोरला नाका  तिब्बततर्फको ढुम्वासेन डिस्टि्रकमा पर्छ ।

भिडियोमा  हेर्नुहोस् जोमसोमबाट कोरला जाने बाटोको अवस्था

थप तस्वीरहरू हेर्नुस्

तस्वीर/भिडियो सौजन्यः खिमलाल गौतम, -नापी अधिकृत, मुस्ताङ)