३२ साउन, काठमाडौं । चीन भ्रमणमा रहेका उपप्रधानमन्त्री कृष्णबहादुर महराले आज चिनियाँ विदेशमन्त्री याङ यीसँग भेटवार्ता गर्दैछन् । भेटवार्तमा दुई पक्षिय हितका विषयमा छलफल हुने जनाइएको छ ।
उनले भ्रमणका क्रममा चिनियाँ राष्ट्रपति र प्रधानमन्त्री सँग भेटको प्रयास गर्नेछन् । नेपालस्थित चिनियाँ राजदूत वु चन्याईले एकजना उच्चस्तरीय नेतासँग भेटवार्तका लागि कोसिस भइरहेको जानकारी महरालाई दिएका थिए ।
महराले चिनियाँ राष्ट्रपति सी र प्रधानमन्त्री ली खछियाङलाई नेपाल भ्रमणको निम्ता गर्नेछन् ।
गत साता बसेको मन्त्रिपरिषद बैठकले दुई छिमेकी चीन र भारतमा सम्बन्ध मजबुद बनाउन विशेष दूत पठाउने निर्णय गरेको थियो ।
