१६ असोज, काठमाडौं । इंग्लिस प्रिमियर लिगमा यो सिजन शानदार सुरुवात गरेको म्यानचेष्टर सिटीलाई टोटनहृयामले हारको स्वाद चखाएको छ ।
आइतबार भएको खेलमा टोटनहृयामले २-० को जित हात पार्दै सिटीको अपराजित यात्रामा पूर्णविराम लगाएको छ । उसको शतप्रतिशत जितमा भने सेल्टिकले धक्का दिएको थियो । च्याम्पियन्स लिगमा सेल्टिकले ३-३ को बराबरीमा रोकेको थियो ।
घरेलु मैदानमा भएको खेलमा टोटनहृयामले उपहार गोलमार्फत अग्रता लिएको थियो । कोलरोभले नवौं मिनेटमा आत्मघाती गोल गरे । खेलको ३७ औं मिनेटमा अलीले गोल गर्दै घरेलु टोलीलाई पहिलो हाफमा २-० को अग्रता दिलाए ।
दोस्रो हाफमा सिटीले खेलमा र्फकने प्रयास गरेपनि सफल भएन । र, पेप ग्वार्डिओला प्रशिक्षक भएपछि पहिलो हार व्यहारेको छ ।
