‘डायरी’मा रेखा भिलेन, छुल्ठिमको प्रेम अवतार(टिजर हेर्नुहोस्)

चलचित्र ‘डायरी’को टिजर रिलिज भएको छ । नेपाली चलचित्र मेकिङमा पनि उच्च बनिरहेको समयमा यसको टिजरले पनि चलचित्रको गुणस्तरलाई बोलेको छ । चलचित्रमा नायिका रेखा थापा, छुल्ठिम गुरुङ र सन्नी सिंहको मुख्य भूमिका छ ।

चलचित्रको टिजरमा नायिका रेखा थापालाई पूर्ण रुपमा खलपात्रको रुपमा देखाइएको छ, जुन दर्शकका लागि नयाँ स्वाद हुनसक्छ । ‘नोभेम्बर रेन’की ‘डल्ली’ छुल्ठिम यसमा पनि चुलबुले यूवतीको रुपमा देखिएकी छिन् ।

छुल्ठिम इन्टरटेनमेन्ट र एयर क्रु प्रोडक्सनले संयुक्त रुपमा निर्माण रहेको यस चलचित्रलाई ‘आवरण’ चलचित्र मार्फत निर्माताको रुपमा रजतपटमा प्रवेश गरेका अनिल योन्जनले निर्देशन गरेका छन् ।
आफ्नो स्टारडमकै कारणले पनि चलचित्र हाक्न सक्ने रेखा यसमा भने भूमिका सुहाउँदो भएकाले भिलेन बनेकी छिन् ।

चलचित्रमा दीनेश डीसी, विनोद पौडेल लगायतका कलाकारको पनि अभिनय छ । चलचित्रमा छेतेन गुरुङको कथा, शिवराम श्रेष्ठको छायांकन, प्रविन श्रेष्ठको सम्पादन छ । यो चलचित्र चैत्रमा रिलिज गर्ने तयारी निर्माणपक्षको छ ।