२८ पुस, भक्तपुर । राष्ट्रिय प्रजातन्त्र पार्टीका राष्ट्रिय अध्यक्ष पशुपति समशेर जबराले मधेसी मोर्चा विना कुनै निर्वाचन सम्भव नभएको बताएका छन् ।
रफत सञ्चार क्लबले आयोजना गरेको साक्षात्कार कार्यक्रममा राप्रपा अध्यक्ष जबराले संविधान संशोधन गरी मधेसका जायज माग सम्बोधन नगरी कुनै पनि निर्वाचन सम्भव नभएको बताएका हुुन् ।
स्थानीय निकायको निर्वाचन भइहाले पनि प्रान्त र संसदको निर्वाचनका लागि प्रादेशिक सीमांकन निर्धारण गर्न आयोग बनाउनु पर्ने भन्दै उनले सीमांकन विवाद नटुंगिएसम्म अरु प्रक्रिया अघि नबढ्ने बताए ।
संविधानमा धर्म निरपेक्षा राख्नु गलत भएको भन्दै उनले जनमत संग्रह गर्न माग गरे ।
