सिड्नी । तेस्रो एक्सपर्ट एजुकेसन ए साइड फुटबल प्रतियोगिता २०१७ अष्ट्रेलियाको सिड्नीमा आउँदो जनवरी २९ तारिक आइतबार हुने भएको छ । प्रतियोगिताबारे जानकारी दिन बुधबार आयोजित कार्यक्रममा जर्सी समेत सार्बजनिक गरिएको छ ।
तामाङ रिक्रियसनल क्लब (टिआरसी)ले आयोजना गर्ने प्रतियोगिता बिहान साढे आठ बजेबाट म्यारिकभिल हाइस्कुलको तीन फुटबल मैदानमा हुनेछ ।
फाइनल खेल पनि सोही दिन हुनेछ ।
टिआरसीका टिम म्यानेजर अनिल तामाङका अनुसार प्रतियोगितामा २४ टोलीका चार सयभन्दा बढी खेलाडीहरुले भाग लिनेछन् । खेल फिफाको नियम अनुसार नै खेलाइने छ ।
सन् २०१५ देखि प्रतियोगिता सुरु भएको थियो । सन् २०१६ मा २० टोली सहभागी भएकामा यस वर्ष चार टोली थपिएर २४ पुगेका हुन् । १९ वटा सिड्नीबाट, चार वटा मेलवर्नबाट र एउटा क्यानवेराबाट टोली सहभागी हुनेछन् ।
म्याच कमिश्नर राजु मानन्धरले खेलाडीहरुबीच अनुशासन र भाइचारा बढाउन प्रतियोगिताले थप मद्दत पुग्ने विश्वास व्यक्त गरे ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4