नायिका सुरविना कार्कीले केही चलचित्रमा काम गरेपछि पनि सफलता पाइनन् । यसपछि, उनले करिअरलाई नयाँ तरिकाले अगाडि बढाउने निर्णय गरिन् । ३ महिना उनी मुम्बई पुगेर बलिउडका चर्चित कलाकार अनुपम खेरको स्टूडियोमा अभिनयको कोर्स सिकेर फर्किइन् ।
सुरविनालाई अहिले राम्रो चलचित्र चाहिएको छ । उनी, राम्रा निर्देशकसँग राम्रो चलचित्रमा काम गरेर आफ्नो अभिनय यात्रालाई फरक तरिकाले अगाडि बढाउन चाहन्छिन् । सुरविना अभिनित चलचित्र ‘चर्खा’ रिलिजको क्रममा छ । उनी, आफूले सिकेको कुरा अब पर्दामा देखाउन चाहेको बताइरहेकी छिन् । आखिर, सुरविनाले खोजेजस्तो निर्देशक र बिषय कहिले भेटिएला ?
