४ असार, दाङ । दाङको शान्तिनगर गाउँपालिका-४ चौकीडाँडामा मोटरसाइकको ठक्करबाट एक जनाको मृत्यु भएको छ ।
रा.१ प ८५३२ नम्बरको मोटरसाइकलले ठक्कर दिदा आइतबार गम्भीर घाइते भएकी पैदलयात्री सोही गाउँपालिका-४ बस्ने ७५ वर्षीया मनि बस्नेतको उपचारका क्रममा मृत्यु भएको प्रहरीले जनाएको छ ।
बस्नेतको राप्ती अञ्चल अस्पताल तुल्सीपुरमा उपचारको क्रममा मृत्यु भएको हो । ठक्कर दिने मोटरसाइकल र चालकलाई प्रहरीले नियन्त्रणमा लिएको छ । घटनाको थप अनुसन्धान भइरहेको प्रहरीले जनाएको छ ।
