बर्षायाममा यसरी बदल्नुहोस् लाइफस्टाइल

बर्षायाम सुरु भएसँगै युवापुस्ताको फेसन बद्लिन्छ, स्टाइल बद्लिन्छ, खानपान बद्लिन्छ । फेसन होस् वा खानपान, मौसम अनुकुल हुनुपर्छ । बर्षा मौसम छ । र, यतिबेला कस्तो खाने, के लगाउने ? ख्याल गर्नुपर्छ ।

स्प्रिङ फेसन

१. बर्षायाममा कटन फेबि्रक सबैभन्दा उपयोगी हुन्छ । किनभने यो स्किन प|mेन्डली हो । निटेड टि-शर्ट, टप्स, कुर्ती राम्रो हुन्छ ।

२. बर्षायाममा छालाको जुत्ता, स्यान्डिललाई थन्काउनुहोस् । त्यसको विकल्पमा रबर वा प्लाष्टिकको स्टाइलिस चप्पल, जुत्ता, स्यान्डिल प्रयोग गरौं । ज्वेलरीमा प्लाष्टिक बिड्स हल्का र सुन्दर देखिन्छ, ज्यादा भारी ज्वेलरी नलगाऔं ।

३. बर्षायाममा फिटिङ्स पहिरन ठीक हुन्न, लुज पहिरन लगाउनुहोस् । यस्तो पहिरन लगाउनुपर्छ, जो पानीमा भिज्दा पनि भद्दा नदेखियोस् । सुक्नका लागि लामो समय नलागोस् । प्रिन्टेड पहिरन सुहाउँदो देखिन्छ ।

हेयर केयर

१. यस मौसममा केसलाई दैनिक सफा गर्नुपर्छ । हेयर एक्सपर्टका अनुसार माइल्ड स्याम्पूले केस धुनु राम्रो हो । नुहाइसकेपछि राम्रो गुणस्तरको कन्डिशनरको उपयोग गर्नुपर्छ । यसले गर्दा केस झर्ने समस्या हुँदैन र रुखो पनि हुँदैन ।

स्किन केयर

१. बर्षायाममा अनुहार लगायतको छाला चिपचिप हुन्छ । यसबाट छुटकारा पाउन चन्दन पाउडर र गुलाबजल मिलाएर अनुहार, गर्दन आदिको सफाई गर्नुपर्छ । थोरै पाउडरमा नरिवल तेल मिसाएर त्यसलाई गर्दनको आसपासको हिस्सामा लगाउनुपर्छ । मह र कागतीको रस बराबर भाग मिलाएर लगाउनले पनि फाइदा गर्छ ।

हेल्थ केयर

१. बर्षायाममा लामखुट्टे लगायतको प्रकोप बढ्छ । यसबाट बच्नका लागि घर आसपसामा सरसफाई जरुरी हुन्छ । घर वरिपरी पानी जम्न नदिने, फोहोर मैला व्यवस्थित गर्ने ।

२. संभव छ भने घरको झ्याल-ढोकामा जाली लगाउनुपर्छ, ताकि लामखुट्टे भित्र छिर्न नसकोस् ।

३. जथाभावी पानी पिउनु हुन्न । पानीमा क्लोरीनको गोली मिलाउन सकिन्छ र पानी उमालेर मात्र पिउनुपर्छ ।

खानपान

१. बर्षायाममा सात्विक भोजन सर्वोत्तम हुन्छ, जो सहजै पच्छ ।

२. यस मौसममा भिटामिन सियुक्त खानेकुरा उपयुक्त हुन्छ ।

३. बर्षायाममा तुलसी, अदुवा, पुदिना, बेसार, हिंग, जीरा धेरै भन्दा धेरै सेवन गर्नुपर्छ । किनभने यसले पाचनतन्त्र बलियो बनाउँछ ।

बर्षायामको रेसेपी – लौका र दहीको सब्जी

यतिबेला बजारमा लौका पाइन्छ । यो बर्षाको मौसमी तरकारी हो । लौकाको तरकारी बनाउन सजिलो छ । र, स्वादिलो पनि । यसका लागि दही भने चाहिन्छ । दही र लौकाको मिश्रणबाट कसरी तरकारी बनाउने त ?

आवश्यक सामग्री

लौका- ५ सय ग्राम

दही- एक कप

रातो खुर्सानी- एक चौथाई छोटो चम्चा

सौंफ पाउडर- एक सानो चम्चा

बेसार- आधा सानो चम्चा

धनिया पाउडर- एक सानो चम्चा

अदुवा पाउडर- आधा सानो चम्चा

हिंग- एक चुड्की

जीरा- आधा सानो चम्चा

नुन- स्वादअनुसार

गरम मसला- अलैंची, थोरै दालचिनी, दुई वटा ल्वाङ, ५ वटा मरिच

ग्रेभीका लागि- तेल दुई ठूलो चम्चा

हरियो खुर्सानी- काटेर टुक्रा बनाएको

हरियो धनिया- काटेर टुक्रा बनाएको

तेल- लौका तार्नका लागि

कसरी बनाउने ?

१. लौकालाई समान टुक्रामा काट्न्होस् । यदि त्यसको बियाँ छ भने निकाल्नुहोस् ।

२. एउटा कराईमा तेल तताएर त्यसमा लौका हाल्ने । जब, हल्का ब्राउन रंगको हुन्छ त्यसलाई निकाल्ने । लौकाको बियाँ पनि यसैगरी भुटेर निकाल्ने ।

३. अर्को प्यानमा आधा ठूलो चम्चा तेल हालेर तताउने । त्यसमा जीरा, हिंग हालेर केहि समय भुट्ने । त्यसपछि गरम मसला हाल्ने ।

४. त्यसमाथ धनिया पाउडर, बेसार हालेर दुई मिनेट भुट्ने । फेरी रातो खुसार्नी पाउडर, दही हाल्ने । यसलाई धिमा आगोमा केहि समय पकाउने । अब अदुवको पाउडर, सौंफ पाउडर, हरियो खुर्सानी हाल्ने ।

५. मसलालाई त्यसबेलासम्म भुट्ने जब, तेलबाट मसला अलग हुँदैन । अब आधा कप पानी हाल्ने । त्यसलाई उमाल्ने । नुन र थोरै हरियो धनिया हालेर राम्ररी चलाउने । यस ग्रेभीमा तारेको लौका हाल्ने र ढक्कनले ढाकिदिने । ५ देखि ६ मिनेटपछि लौकाको स्वादिलो ग्रेभी तयार हुन्छ ।