१६ पुस, विराटनगर । प्रादेशिक राजधानीको माग गर्दै आइतवार विराटनगरमा दवाव र्याली निकालिएको छ ।
सरकारलाई दवाव दिने उदेेश्यका साथ विराटनगरमा प्रादेशिक राजधानीको माग गर्दै र्याली निकालिएको हो ।
सरकारले सम्भवतः सोमबार बस्ने मन्त्री परिषद्को बैठकले सातवटा प्रादेशिक राजधानी तोक्ने र प्रदेश सभाको पहिलो वैठक बस्ने स्थानको टुङो लगाउने अपेक्षा गरिएको छ ।
मोरङ व्यापार संघ र उद्योग संगठन मोरङ संयुक्त आयोजनामा शहीद मैदानबाट निस्किएको र्याली महेन्द्रचौममा पुगेर कोण सभामा परिणत भएको थियो ।
प्रदेश नम्बर एकको राजधानी विराटनगरको विकल्प नभएको भन्दै र्यालीका सहभागीहरुले विराटनगर राजधानी घोषण गर, विराटनगर राजधानीको मुल आधार सम्पूर्ण पुर्वाधार,प्रदेश नम्वर एकको महानगर औद्योगिक नगरी विराटनगर जस्ता नारा लगाएको थिए ।
कोण सभालाई सम्बोधन गर्दै सहभागीहरुले विराटनगर प्रादेशिक राजधानीको विकल्प नभएको बताएका थिए ।
उनीहरुले विराटनगर ऐतिहासिक नगर भएको भन्द पुर्वधारयुक्त शहर विराटनगरको विकल्पमा सरकार गएको खण्डमा सरकार विरुद्ध सशक्त आन्दोलनमा उत्रिने चेतावनी समेत दिएका थिए ।
कोण सभालाई विराटनगर महानगरपालिकाका मेयर भिम पराजुली,उपमेयर इन्दिरा कार्की,उद्योग संगठन मोरङका अध्यक्ष मुकेश उपाध्यय,मोरङ व्यपार संघका अध्यक्ष पवन सारडा,प्रदेश संसाद केदार कार्की,जिल्लास्थित विभिन्न दलका अध्यक्षहरुले सम्वोधन गरेका थिए ।