अमेरिकामा एक व्यक्तिलाई व्यस्त राजमार्गमा घोडा दौडाएको आरोपमा पक्राउ गरियो । पुलिसका अनुसार २९ वर्षका लुईस परेज रक्सीको नशामा घोडाा दौडाइरहेका थिए । रक्सीको मातमा राजमार्गमा घोडा कुँदाउनु उनलाई निकै महंगो परेको छ र भारी जरिवाना तिर्नुपर्ने भएको छ ।
क्यालिफोर्निया हाइवे पुलिसले राजमार्गमा रक्सी पिएर घोडा दौडाउने लुइसमाथि ५० हजार जरिवाना लगाएको छ ।
पुलिसले आफ्नो टि्वटर अकाउन्टमा उक्त घटनाको फोटो समेत सेयर गरेको छ । राजमार्गमा घोडा कुँदाउँदा कुनै दुर्घटना भने भएन ।
पुलिसका अनुसार मापसे गरी कार वा घोडा जे सुकै कुँदाउनु पनि अपराध हो । एजेन्सी
