८ चैत, काठमाडौं । भक्तपुर नगरपालिका–९ लिवालीस्थित सडकमा पार्किङ गरेर राखेको गाडीमा बिहीबार बिहान चोरी भएको छ ।
बा ५ ख २१ नम्बरको बसबाट बसको एउटा ब्याट्री, २१ ईञ्चको टिभी १ थान र क्यासेट एउटा गरी करिब ३५ हजार रुपैयाँ बराबरको सामान चोरी भएको हो ।
प्रहरीका अनुसार उक्त बसका सह–चालक रौतहट चन्द्रनिगाहपुर–२ का २३ वर्षीय बिकाश तामाङ गाडीभित्र सुतेको अबस्थामा अपरिचित ब्यक्ति बसको झ्यालबाट प्रवेश गरेर सामान लुटेका थिए ।
प्रहरीका अनुसार उनले सह–चालकलाई ढुङ्गाले हान्छु भन्दै धम्की दिएर सामान लिएर फरार भएका थिए ।
फरार चोरको खोजी कार्य जारी भएको प्रहरीले जनाएको छ ।
