मंगलबार, २९ साउन, २०७५
OnlineKhabar.com
Suzuki

प्रदेश ५ सरकारले ल्यायो बजेट : ‘समृद्ध प्रदेश, सुखी जनता’को नारा

Suzuki
अनलाइनखबर

३० चैत, बुटवल । प्रदेश सरकारले ‘सम्बृद्ध प्रदेश, सुखी जनता’को नारासहित १ अर्ब २ करोड ५ लाखको बजेट ल्याएको छ ।

शुक्रबार प्रदेशसभा बैठकमा आर्थिक मामिला मन्त्रालयको जिम्मेवारीसमेत सम्हालेका मुख्यमन्त्री शंकर पोखरेलले बजेट पेश गरे ।

प्रदेश सरकारको आफ्नो स्रोत छैन । त्यसेले केन्द्रले दिएको अनुदान रकमबाटै बजेट ल्याइएको हो ।

बजेटको ३६ करोड ६३ लाख ८२ हजार चालु खर्च र ३४ करोड ६ लाख ७५ हजार रुपैयाँ पूँजीगत खर्च छ ।

बाँकी ३१ करोड ३४ लाख ४३ हजार अर्थ बजेटमा राखिएको छ । अर्थ वजेटबाट वचत भएको रकम आगामी आर्थिक वर्षको आयमा समावेश गरिने छ ।

आफ्नो स्रोत नभएका बजेट कनिका छरे जस्तो छ । प्रदेश मन्त्रालय, संवैधानिक अंग तथा निकायहरुको स्थापना, भौतिक संरचना निर्माण र संचालन गर्न ५ करोड छुट्टाइएको छ । पहाड र तराईका अति पीछडिएका गाउँपालिकाहरुलाई लक्षित गरी मुख्यमन्त्री ग्रामीण विकास कार्यक्रमका लागि २ करोड विनियोजन भएको छ ।

सहकारी विकास कोष स्थापनाका लागि एक करोड वजेट विनियोजन गरिएको छ । कृषि, पशुपालन, मत्स्यपालन व्यवसायलाई प्रोत्साहनका लागि उत्पादनमा आधारित अनुदान दिन अनुदान कोष स्थापनाका लागि एक करोड वजेट विनियोजन गरिएको छ ।

सहकारी विकास कोष स्थापनाका लागि एक करोड विनियोजन गरिएको छ । प्रदेशमा तीनवटा महानगर बनाउन संभाव्यता अध्ययन गर्न तथा दाङको घोराही र बुटवलमा रंगशाला निर्माण गर्न वजेट विनियोजन गर्ने उल्लेख छ ।

प्रदेश सूचना केन्द्र स्थापनाका लागि अध्धयन गर्न २० लाख, रामग्रामदेखि तिलौराकोटसम्म मोनोरेल, लुम्बिनी क्षेत्रमा पर्यटकको बसाई अवधि बढाउन सम्भाव्यता अध्ययनका साथै जगदिशपूर ताल संरक्षण कार्यक्रमका लागि २२ लाख रुपैयाँ बजेट विनियोजन गरिएको छ ।

हेर्नुस् बजेटको पूर्णपाठ :

२०७४ चैत ३० गते १६:४० मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

२ प्रतिकृयाहरू प्राप्त
  • Durgesh K Pradhan लेख्नुहुन्छ    |   २०७४ चैत ३० गते १७:०६

    No anexes?

    0
    0
    Share

  • Bhuvan लेख्नुहुन्छ    |   २०७५ वैशाख २ गते १०:००

    ‘समृद्ध प्रदेश, सुखी जनता’को नारा तर पूर्ण पाठ हेर्दा निराशा पैदा हुने खालको

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this