Comments Add Comment

व्यवसायी विमल पोद्दारको अपार्टमेन्टमा सुन समितिको छापा

७ असार, काठमाडौं । सुन तस्करीबारे अनुसन्धान गरिरहेको विशेष समितिले व्यवसायी विमल पोद्दारको अपार्टमेन्टमा छापा मारेको छ ।

समितिले बिहीबार दिउँसो डिल्ली बजारमा रहेको उनको अपार्टमेन्टमा छापा मारेको हो । समितिले उनलाई मंगलबार साँझ पक्राउ गरेर बुधबार बयान लिएको थियो ।

बयानपछि उनको अपार्टमेन्टमा छापा मारिएको बताइएको छ । पोद्दार व्यवसायी दिपक महलोत्राका व्यवसायिक साझेदार हुन् ।

समितिले यसअघि उर्लाबारीका सनम शाक्यको हत्या र साढे ३३ केजी सुन गायब प्रकरणको अनुसन्धानपछि जिल्ला अदालत, मोरङमा ६३ जनाविरुद्ध मुद्दा दायर गरेको थियो ।

हाल नेपाल प्रहरीका पूर्व डिआईजी गोविन्द निरौला, एसएसपी श्याम खत्री, दिवेश लोहनी, एसपी विकासराज खनालसहित अन्य पुर्पक्षका लागि थुनामा छन् ।

यो पनि पढ्नुस् 

सुन तस्करी प्रकरणः व्यवसायी विमल पोद्दार समातिए

यो खबर पढेर तपाईलाई कस्तो महसुस भयो ?

ट्रेन्डिङ

Advertisment