२ साउन, काठमाडौं । सर्लाहीको चन्द्रनगर गाउँपालिकाका अध्यक्ष महेन्द्र महतोको घरमा प्रसर कुकर बम भेटिएको छ ।
महतोको चन्द्रनगर–२, बबरगञ्जस्थित घरमा प्रेसर कुकर बम जस्तो देखिने शंकास्पद वस्तु भेटिएको प्रहरीले जनाएको हो ।
जिल्ला प्रहरी कार्यालय, सर्लाहीका अनुसार प्रेसर कुकर बम जस्तो शंकास्पद वस्तु भेटिएपछि नेपाली सेनाको बम डिस्पोजल टोलीलाई खबर गरिएको छ ।
अहिले घटनास्थलमा सेनाको टोली पुगेको बताइएको छ । महेन्द्र राष्ट्रिय जनता पार्टीका नेता राजेन्द्र महतोको दाजु हुन् ।
