१ मंसिर, काठमाडौं । सहिद स्मारक ए डिभिजन लिग फुटबलमा मनाङ मस्र्याङ्दीले न्यूरोड टीम (एनआरटी)लाई हराएको छ ।
दशैंतिहारपछि सुरु भएको लिगको पहिलो खेलमा मनाङले एनआरटीलाई २-० गोल अन्तरले हराएको हो ।
तर, भर्खर क्लबमा आवद्ध भएका प्रकाश बुढाथोकीको घाइते भएका कारण मनाङलाई यो जित महंगो परेको छ ।
हलचोक मैदानमा भएको सुरुमा नै उनी घाइते भएका हुन् । दायाँ कुममा फ्याक्टर भएको उनले लिगका सबै खेल गुमाउने सम्भावना छ ।
यसअघि मिडफिल्डर सुजल श्रेष्ठ घाइते भएका थिए र उनी पनि ६ साताका लागि मैदान बाहिर छन् ।
खेलमा मनाङले १७ औं मिनेटमा अन्जन विष्टको गोलबाट अग्रता लिएको थियो । ३९ औं मिनेटमा ओलावलेले गोल गरेपछि पहिलो हाफमा मनाङले २-० को अग्रता लियो ।
दोस्रो हाफमा दुबै टोलीबाट गोल हुन सकेन र मनाङ विजयी बन्यो ।
