९ पुस, काठमाडौं । क्रिसमस इभमा जुवा खेलिरहेका ७ जना व्यापारी पक्राउ परेका छन् । सञ्चय कोषको भवन अगाडि रहेको स्पोर्टस पसलभित्र जुवा खेल्दै गर्दा उनीहरु समातिएका हुन् ।
काठमाडौं प्रहरी परिसरका डीएसपी होविन्द्र बोगटीका अनुसार सोमबार साँझ गोप्य सूराकीका आधारमा चलाइएको अपरेशनका क्रममा ४ लाख ९६ हजार ७ सय ३५ रुपैयाँसहित उनीहरु पक्राउ परेका छन् ।
पक्राउ परेकाहरुलाई टेकुस्थित परिसरको हिरासतमा राखिएको छ । हाल उनीहरुको नाम गोप्य राखिएको छ भने विस्तृत अनुसन्धान थालिएको छ ।
यसैबीच, काठमाडौं प्रहरीले भालुको दुई वटा पित्तसहित एक जनालाई पक्राउ गरेको छ । पक्राउ पर्नेमा जुम्लाका ४० वर्षीय जगतबहादुर क्षेत्री छन् ।
उनलाई क्षेत्रपार्टीबाट पक्राउ गरिएको डीएसपी बोगटीले बताए । उनलाई पनि परिसरकै हिरासतमा राखिएको छ ।
