३० फागुन, काठमाडौं । कैदीबाट घुस लिएको अभियोगमा पक्राउ परेका मकवानपुर कारागारका जेलर (शाखा अधिकृत)मदन अधिकारीबिरुद्ध विशेष अदालत काठमाडौंमा मुद्धा दायर भएको छ ।
लागूऔषध मुद्धामा कैद भुक्तान गरिरहेका कैदीलाई अन्यत्र सरुवा गरिदिने भनी धम्क्याएर ७५ हजार घुस लिएको दावी गर्दै अख्तियारले जेलर अधिकारीबिरुद्ध मुद्धा दायर गरेको हो ।
उनलाई अख्तियार दुरुपयोग अनुसन्धान आयोगको कार्यालय, हेटौंडाबाट खटिएको टोलीले ७५ हजार घुससहित पक्राउ गरेको थियो ।
अधिकारीलाई ७५ हजार बिगो कायम गरी भ्रष्टाचार निवारण ऐन २०५९ को दफा ३ को उपदफा (१) र ३ को उपदफा (१) को देहाय (ग) बमोजिम सजाय मागदावी गरिएको छ ।