२०७५ चैत २० गते ६:५० 
२० चैत, काठमाडौं । म्यान्चेस्टर युनाइटेड इंग्लिस प्रिमियर लिग फुटबलमा उल्भससँग पराजित भएको छ । मंगलबार राति भएको खेलमा उल्भसले म्यान्चेस्टर युनाइटेडलाई २-१ गोल अन्तरले पराजित गरेको हो ।
उल्भसको जितमा डिएगो जोटाले गोल गरे । अर्को एक गोल भने उपहार स्वरुप पाएको थियो । यता, म्यान्चेस्टर युनाइटेडका लागि भने स्काट टोमिनायले गोल गरे ।
१३ औं मिनेटमा टोमिनायले गोल गर्दै युनाइटेडलाई सुरुवाती अग्रता दिलाएका थिए । तर जोटाले खेलको २५ औं मिनेटमा गोल गर्दै उल्भसलाई १-१ गोलको बराबरी दिलाए ।
पहिलो हाफमा दुवै टिमले १-१ गोलको बराबरी खेलेका थिए भने दोस्रो हाफमा आफ्नै पोष्टमा युनाइटेडले आत्मघाती गोल गर्दा पराजित भएको हो । युनाइटेडका क्रिस स्मालिङले ७७ औं मिनेटमा आत्मघाती गोल गरेपछि उल्भसले २-१ को जित निकालेको हो ।
मंगलबार राति नै भएको अर्को खेलमा वाटफोर्डले फुलहृयामलाई ४-१ गोलअन्तरले पराजित गरेको छ ।
प्रतिक्रिया 4