Comments Add Comment

‘ए मेरो हजुर ३’को भव्य प्रिमियर, सुहानाको कामको तारिफ नै तारिफ

भोली शुक्रबारदेखि रिलिज हुन लागेको चलचित्र ‘ए मेरो हजुर ३’को भव्य प्रिमियर काठमाण्डौको कुमारी हलमा आयोजना गरिएको छ । झरना थापा निर्देशित चलचित्र हेर्नका लागि चलचित्रकर्मी, पत्रकार र निर्माण टिमका आफन्तहरुको बाक्लो भीड थियो ।

कुमारी हलमा निकै नै व्यवस्थित तरिकाले आयोजित प्रिमियरमा चलचित्र हेरिसकेपछि अधिकांशले नायिका सुहाना थापाको कामको तारिफ गरेका छन् । केही चलचित्रकर्मीले यसलाई नायक अनमोल केसीले उत्कृष्ट काम गरेको चलचित्र बताए ।

सुहानाले पहिलो चलचित्रमा नै देखाएको अभिनयको उच्च क्षमताको सबैले मुक्तकण्ठले प्रशंसा गरे । एक फ्यान र एक स्टारको कथालाई प्रस्तुत गरिएको यो चलचित्रले दर्शकको मन जित्ने विश्वास चलचित्रकर्मीको छ । प्रिमियरमा चलचित्रका मुख्य नायक अनमोल केसी, नायिका सुहाना थापा, निर्देशक झरना थापा, नायक सलोन बस्नेत, निर्माता सुनिलकुमार थापा उपस्थित थिए ।

यस्तै, चलचित्र हेर्नका लागि निर्माता तथा कलाकार दिपकराज गिरी, निर्देशक दीपाश्री निरौला, नायिका करिश्मा मानन्धर, नीता ढुंगाना, निर्देशक तथा कोरियोग्राफर रेनशा वान्तवा राई, सामाजिक अभियन्ता सिताराम कट्टेल र कुञ्जना घिमिरे, निर्देशकहरु दिवाकर भट्टराई, सुरेन्द्र पौडेल, निर्माता सुवास गिरी, माधव वाग्ले, रोहित अधिकारी लगायत हल पुगेका थिए ।

चलचित्र हेरिसकेपछि निर्देशक दीपाश्री निरौलाले भनिन्–‘झरनाजीले छोरी त जन्माउनुभयो, तर चलचित्र क्षेत्रका लागि एउटा उत्कृष्ट कलाकार जन्माउनुभएको छ । अनमोल त अनमोल भैहाले ।’ यस्तै, दिपकराज गिरीले पनि राम्रो चलचित्र बनाउन मिहिनेत गरिएको बताए । हरेक कुरामा चलचित्र उत्कृष्ट रहेको उनले बताए ।

यस्तै, सामाजिक अभियन्ता सिताराम कट्टेल र कुञ्जना घिमिरेले चलचित्र उत्कृष्ट भएको बताए । उनी हरुले सुहाना र अनमोलको कामको प्रशंसा गरे । नायिका नीता ढुंगानाले पनि आफूलाई चलचित्रले छोएको बताइन् । उनले, सुहानाको काम उत्कृष्ट रहेको बताइन् ।

यस्तै, निर्देशक रेनशा वान्तवा राइले पनि चलचित्र पूर्ण रुपमा एउटा प्याकेज भएको बताइन् । चलचित्रको कथालाई एकदमै आकर्षक तरिकाले प्रस्तुत गरिएको बताइन् । यस्तै, उनले अनमोल केसीको अभिनयको हिसाबले उत्कृष्ट काम भएको चलचित्र बताइन् । उनले सुहाना चलचित्र क्षेत्रका लागि एउटा उज्ज्वल भविष्य भएको पनि प्रतिक्रिया दिइन् ।

प्रिमियरमा निकै नै राम्रो तारिफ पाएको चलचित्र ‘ए मेरो हजुर ३’ले हलमा कस्तो व्यापार गर्ने हो, त्यो हेर्न बाँकी छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment