८ वैशाख, काठमाडौं । प्रहरीले त्रिभुवन अन्तर्राष्ट्रिय विमानस्थलबाट ८५ लाख २७ हजार रुपैयाँ बराबरको सुनसहित दुई जनालाई पक्राउ गरेको छ ।
विमानस्थल सुरक्षा प्रहरी कार्यालयले एक किलो ६ सय ८३ ग्राम सुनसहित दुई जना विदेशी महिलालाई पक्राउ गरेको हो ।
कार्यालयका अनुसार पक्राउ पर्नेमा भियतनामका भो थि म्यू र कम्बोडियाका थेभी यू छन् । विशेष सूचनाका आधारमा थाई एयरको उडान नम्बर टीजी ५८५ बाट थाइल्याण्डको बैंककबाट काठमाडौं आएका उनीहरुलाई पक्राउ गरिएको जनाइएको छ ।
अन्तर्राष्ट्रिय उडानतर्फ आगमन पार्किङ एरियामा शंकास्पद अवस्थामा भेटेर चेकजाँच गर्दा उनीहरुबाट सुन भेटिएको हो । बरामद सुन र दुई जनालाई आवश्यक अनुसन्धान र कारबाहीका लागि त्रिभुवन विमानस्थल भन्सार कार्यालय, गौचरण पठाइएको जानकारी दिइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
भर्खरै
पुराना
लोकप्रिय
Hot Properties
.png)
.png)
सम्बन्धित खबर
ट्रेन्डिङ
Advertisment
प्रतिक्रिया 4