२०७६ वैशाख २० गते १९:४५ 
२० वैशाख, काठमाडौं । चन्द्रागिरी गोल्डकप फुटबल प्रतियोगिताको उपाधिका लागि भ्याली च्यासल युथ क्लब र सरस्वती युवा क्लबीच प्रतिस्पर्धा हुने भएको छ ।
चन्द्रागिरीको नैकाप फुटबल मैदानमा शुक्रबार भएको दोस्रो सेमिफाइनलमा विभागीय नेपाल एपीएफ क्लबमाथि २–१ को कठिन जित निकाल्दै च्यासल फाइनलमा पुगेको हो । च्यासलको जितमा विदेशी खेलाडी अर्मान्डले दुबै गोल गरे । यता, एपीएफका प्रदीप लामाले एक गोल फर्काए ।
खेलको २६औं मिनेटमा च्यासलका लागि अर्मान्डले गोल गर्दै अग्रता दिलाएका थिए । तर खेलको ३३औं मिनेटमा प्रदीपले गोल गर्दै १–१ गोलको बराबरीमा ल्याएका थिए । पहिलो हाफ १–१ गोलको बराबरीमा सकिएपनि दोस्रो हाफको अन्तिम समयमा अर्मान्डले व्यक्तिगत दोस्रो गोल गर्दै टिमलाई २–१ को जित दिलाए ।
अब च्यासलले उपाधिका लागि आइतबार सरस्वती युवा क्लबसँग प्रतिस्पर्धा दिउँसो तीन बजे प्रतिस्पर्धा गर्दैछ । सरस्वतीले बिहीबार जावलाखेल युथ क्लबलाई १–० ले पराजित गर्दै फाइनलमा स्थान बनाएको थियो । प्रतियोगिताको विजेताले ६ लाख तथा उपविजेताले ३ लाख रुपैयाँ प्राप्त गर्ने छन् ।
प्रतिक्रिया 4