यसरी सोचौं: आयात प्रतिस्थापन गर्ने तथा निर्यात प्रवर्धन गर्ने हाम्रो राष्ट्रिय निति रहेको छ, तर तातोपानी नाका खुलेको पहिलो दिन आज नै ४ वटा मालवाहक ढुवानी साधनहरुलाइ “रित्तै” चिन तर्फ पठाइएको छ। ति साधनहरुले प्रतिकात्मक रुपमा चिन वाट केहि सामाग्रीहरु लिइ आउने कुरा वताइएको छ। कुनै नेपाली उत्पादनलाई चिनतर्फ पठाइहाल्न अति आवश्यक भएको कारणले यो नाका खोल्न जरूरी भएको होईन।नाका खुलेका कारणले अवका दिनमा तातोपानी-काठमाडौ कोरीडरमा जुन चहलपहल सर्वसाधारणले महसुस गर्ने छन् त्यसले हाल सुतिरहेका डन र तस्करहरुलाइ राज्य विरुद्धको आतंकका लागि झन झन प्रेरित गर्ने छ। त्यस्तो चहलपहलले आयातमा निर्भर रहंदै गइरहेको हाम्रो अर्थतन्त्रलाइ झन झन घुंडा टेकाउंदै जाने छ। SPSको विश्वव्यापि मान्यता अनुसार, जव जव मुलुकहरु समृद्ध हुंदै जान्छन, तव तव त्यस्ता मुलुकहरुवाट वस्तु र सेवाको निर्यात हुने परिमाण वढ्दै जाने गर्दछ। जव जव निर्यातको परिमाण वढ्दै जाने गर्दछ तव तव राज्यहरुले आफ्नो सिमाक्षेत्रमा स्थापित गरिएका भन्सार सम्वन्धि निकायहरुको संख्या घटाउंदै जाने गर्दछन। आजभोली आयात निर्यातको नियमनलाइ सजिलो पार्नको लागि विकसित मुलुकहरुमा भन्सार चेकप्वाइन्ट हरुको संख्यालाइ घटाउंदै लैजाने र एकिकृत सफ्टवेयरहरुको प्रयोग द्वारा सो सम्वन्धिको कार्यसम्पादनलाइ झनै चुस्त वनाउंदै लैजाने होडवाजी नै चलेको छ। हामी भने नयां नयां ठांउमा नयां नयां नाका खोल्दै गइरहेकाछौं। यसपछि शायद मुस्तांगको कोरला नाकाको पालो होला। भन्सार सम्वन्धि अन्य कानुनहरुमा जुनसुकै कुरा लेखिएको भएतापनि विरुवा संरक्षण एन २०६६ को दफा ३३ ले नयां नयां ठांउमा नाका खोल्ने बिषयलाई खारेज गरेको छ। सो एनको परिकल्पना वमोजिम हाल सन्चालनमा रहेका जम्मा १६ वटा नाकाहरुमा वाहेक अन्य नाकाहरुमा रहेका वांकी दर्जनौ भन्सार चेक पोस्टहरु समेत हटाउनु पर्दछ। नयां नाका खोल्ने होइन। नाकाको संख्या घटाउंदै जाने हो।