३१ जेठ, गोरखा । जंगलमा घाँस काट्न गएका आरुघाट गाउँपालिका–१ मान्वुका सोम बहादुर गुरुङको शुक्रबार भीरबाट लडेर ज्यान गएको छ ।
लडेर घाइते भएका ४० बर्षीय गुरुङको उपचारका लागि सदरमुकाम ल्याउदै गर्दा बाटोमै मृत्यु भएको जिल्ला प्रहरी कार्यालय गोरखाले जनाएको छ ।
विहान घर नजिकैको जंगलमा घाँस काट्न गएका गुरुङलाइ घाइते अवस्थामा देखेपछि स्थानीयले प्रहरीलाई खबर गरेका थिए । गुरुङको शव पोष्टमार्टमका लागि जिल्ला अस्पताल गोरखा ल्याइएको छ ।