८ असार, काठमाडौं । समता अस्पतालमा कार्यरत विमला तामाङ्को शंकास्पद मृत्युलाई लिएर आफन्तहरुले प्रदर्शन गरेका छन् ।

विमलाको शव शंकास्पद अवस्थामा भेटिएको भन्दै आफन्तले महानगरीय प्रहरी बृत्त गौशाला अगाडि प्रदर्शन गरेका हुन् ।

आफन्तहरुले विमलाको हत्या भएको भन्दै निस्पक्षरुपमा छानविन गरी दोषीलाई कारबाही गर्न माग गरेका छन् ।

यो पनि पढ्नुहोस समता अस्पतालमा कर्मचारी मृत्यु प्रकरणः उत्तम सञ्जेल पत्नीसहित ३ जना हिरासतमा

समता अस्पतालमै कार्यरत रामेछाप दोरम्बाकी २७ वर्षीय तामाङको शव यही असार २ गते राति अस्पतालमै झुण्डिएको अवस्थामा फेला परेको थियो ।

यो पनि पढ्नुहोस समता अस्पतालमा ‘रहस्यमय मृत्यु’ प्रकरण : प्रहरीले जाहेरी लिन मानेन

अनुसन्धानका क्रममा प्रहरीले अस्पतालका सञ्चालक उत्तम सञ्जेलकी पत्नी कला अधिकारी सञ्जेल, कर्मचारी तीर्थकुमारी श्रेष्ठ र संगीता केसीलाई पक्राउ गरेको छ ।