३ साउन, काठमाडौं । त्रिवि शिक्षण अस्पतालमा दोस्रो पटक कलेजोको प्रत्यारोपण सफल भएको छ ।
डा. रमेशसिंह भण्डारीको टोलीले कलेजो प्रत्यारोपण गरेको हो । ‘विहान ७ बजेतिर सुरु भएको थियो । दिउँसो साढे ३ बत्रजेतिर सकियो । विरामी र डोनर दुबैको स्वास्थ्य ठीक छ’ प्रत्यारोपणपछि डा. भाण्डारीले अनलाइनखबरसँग भने ।
विरामी र डोनरको नाम सार्वजनिक गरिएको छैन । तर ४४ वर्षका पुरुषलाई उनका ज्वाइँले कलेजो दिएका हुन् । दाता २८ वर्षका पुरुष हुन् ।
शिक्षण अस्पतालले पहिलो पटक जेठ १७ गते कलेजो प्रत्यारोपण गरेको थियो ।
