काठमाडौं । पियर इमरिक अबामियाङको गोलसँगै आर्सनलले इंग्लिस पि्रमियर लिगमा विजयी सुरुवात गरेको छ ।
आइतबार भएको खेलमा आर्सनलले न्यूक्यासललाई १-० गोल अन्तरले हराएको हो । सेन्ट जेम्स पार्कमा भएको खेलको पहिलो हाफ गोलरहित बराबरीमा टुंगिएको थियो । तर ५८ औं मिनेटमा आर्सनलका लागि अबामियाङले गोल गरे ।
आर्सनलका प्रशिक्षक युनाई इमरीले निकोलास पेपे र ड्यानी सेबायसलाई डेब्यू गराएका थिए । तर दुबैको पहिलो खेलमा आफ्नो प्रभाव छाड्न सकेनन् ।
अर्को खेलमा लेस्टरले ओल्भ्ससँग गोलरहित बराबरी खेल्दै अंक बाँडेका छन् ।
