३ भदौ, काठमाडौं । स्पेनिस क्लब बार्सिलोनाका स्ट्राइकर ओस्माने डेम्बेले पाँच हप्तासम्म मैदान बाहिर नै रहने भएका छन् ।
बार्सिलोनाले आफ्नो आधिकारिक ट्वीटरमा ट्विट गर्दै डेम्बेले पाँच हप्तासम्म मैदान बाहिर रहने जानकारी दिएको हो । स्पेनिस ला लिगा फुटबलको पहिलो खेलमा नै साविक विजेता बार्सिलोना एट्लेटिको विल्बाओसँग १-० गोलअन्तरले पराजित हुँदा डेम्बेले घाइते हुन पुगेका थिए ।
खुट्टामा चोट बोकेका डेम्बेले लामो समयसम्म मैदान बाहिर नै रहने भएपछि बार्सिलोनालाई निकै ठूलो धक्का लागेको छ । बार्सिलोनाले ला लिगा फुटबलमा आफ्नो दोस्रो खेलमा रियल बेटिससँग २६ तारिखमा प्रतिस्पर्धा गर्दैछ ।
