काठमाडौं । बार्सिलोनाका स्टार लिओनल मेस्सीले एक दशकसम्म चिरप्रतिद्वन्द्वी रहेका क्रिष्टियानो रोनाल्डाको डिनर निम्तो स्वीकार गर्ने बताएका छन् । यद्यपि आफूहरु अहिले पनि घनिष्ट मित्र भने नभएको बताए ।
हालै यूईएफए अवार्डका क्रममा दुई फुटबलरलाई उनीहरुको सम्बन्धबारे सोधिएको थियो । त्यसक्रममा दुबैले आफूहरुबीच कुनै समस्या नभएको बताए । साथै रोनाल्डोले अहिलेसम्म दुई जना सँगै बसेर डिनर नखाएको खुलासा गरे ।
स्पोर्टससँग कुरा गर्दै मेस्सीले रोनाल्डोको डिनर निम्तो स्वीकार गर्ने बताएका छन् । ‘यसका लागि मलाई कुनै समस्या छैन’ उनले भने, ‘मैले सधैं भन्दै आएको छु कि उनीसँग मेरो कुनै समस्या छैन । ड्रेसिङ रुम शेयर नगरेका कारण साथी छैनौं, तर उनलाई अवार्ड समारोहमा भेटिरहन्छु र कुनै समस्या छैन ।’
दुबैको आफ्नो जीजन र प्रतिवद्धता रहेकाले एकसाथ डिनर खाने योजना नभएको भन्दै बार्सिलोनाका स्टारले भनेका छन्, ‘यदि निम्तो आउँछ भने मे स्वीकार गर्छु ।’
