२ असोज, काठमाडौं । प्रमुख प्रतिपक्ष दल नेपाली कांग्रेसका नेता कृष्णप्रसाद सिटौलाले संविधानलाई कमजोर बनाउने काम सरकारबाटै भएको बताएका छन् ।
जनआन्दोलनको रगत र पसिनाबाट बनेको संविधानलाई सिंहदरबारबाटै कमजोर बनाउने काम गरिएको भन्दै उनले चिन्ता समेत व्यक्त गरे ।
सरकारले संविधानलाई कमजोर बनाउने गरी आफैले विधेयकहरु ल्याएको भन्दै उनले संविधानको पक्षमा जनमत ल्याउन सबै पक्ष एकजुट हुनुको विकल्प नरहेको बताए ।
संविधान दिवसको अवसर पारेर बिहीबार काठमाडौंमा आयोजित एक कार्यक्रममा बोल्दै नेता सिटौलाले सरकारले संवैधानिक व्यवस्थालाई कमजोर पार्ने काम गरिरहेको बताए । सरकारका कार्यशैली, नीति र गतिविधि संविधान विरोधी भएको उनको भनाइ थियो ।
