८ असोज, सप्तरी । नेपाली कांग्रेस सप्तरीले दोस्रो चरणको राष्ट्रिय जागरण अभियानको अन्तिम दिन राजविराजमा भएको घटनाबारे बोलेको छ । र, पार्टी सांसद तेजुलाल चौधरीलाई अनुशासनको कारबाही गर्ने बताएको छ ।
मंगलबार राजविराजमा आयोजित कार्यक्रममा मर्यादाक्रमलाई लिएर जिल्ला सभापति दिनेश यादव र सांसद तेजुलाल चौधरी पक्षबीच विवाद भएको थियो । त्यसक्रममा यादव पक्षका कार्यकर्ताले चौधरीलाई धकेलाधकेल गर्दै मञ्चबाट निकालेका थिए । लगतै चौधरीको समूहले छुट्टै कार्यक्रम गरेको थियो ।
जिल्ला कार्यसमिति सप्तरीले भने सांसद चौधरी पक्षले सुनियोजित तरिकाले कार्यक्रम भाँडेको दाबी गरेको छ ।
जिल्ला सचिव शत्रुद्यन यादवले बुधबार बिज्ञप्ती जारी गर्दै कार्यक्रममा आसन ग्रहणको क्रममा सांसद चौधरी लगायत केहि व्यक्ति सुनियोजित तरिकाले कार्यक्रम नै भाँड्ने गरी मञ्चमा आएर कार्यक्रम संचालक, प्रदेश सभाका सांसद र अरु अतिथिलाई अभद्र व्यबहार तथा गालीगलौज गरेको आरोप लगाएका छन् ।
साथै अनुशासन उल्लंघन गरेको भन्दै सांसद चौधरी लगायतलाई कारबाही गर्ने विज्ञप्तिमा उल्लेख छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4