१० असोज, पोखरा । गण्डकी प्रदेश सरकारले दशैंको घटस्थापनामा सार्वजनिक बिदा दिएको छ ।
मन्त्रिपरिषदको बिहीबार बसेको बैठकले घटस्थापनामा बिदा दिने निर्णय गरेको सरकारका प्रवक्ता एवं भौतिक पूर्वाधार विकासमन्त्री रामशरण बस्नेतले जानकारी दिए । यस वर्षको घटस्थापना पर्सि १२ गते परेको छ ।
गण्डकी प्रदेश सरकारले दिएको यो चौथो बिदा हो । यसअघि ल्होछार, माघे संक्रान्ति र प्रदेश स्थापना दिवसका दिन फागुन ४ गते सार्वजनिक बिदा बिदा दिइएको थियो ।
