२०७६ कात्तिक ५ गते १९:११ 
५ कात्तिक, काठमाडौं । आईसीसी टी-२० विश्वकप छनोट क्रिकेट प्रतियोगितामा नामिवियाले पहिलो जित निकालेको छ ।
मंगलबार यूएईको आईसीसी क्रिकेट एकेडेमीमा भएको समूह ‘ए’ को खेलमा नामिवियाले स्कटल्यान्डमाथि २४ रनको जित हात पारेको हो । १६० रनको चुनौती पछ्याउँदै ब्याटिङ गरेको स्कटल्यान्डले निर्धारित २० ओभरमा आठ विकेटको क्षतिमा १३५ रन मात्रै बनाएपछि नामिवियाले पहिलो जित निकालेको हो ।
स्कटल्यान्डका लागि कलुम म्याकलोडले ३९ र कप्तान रिची बेरिङटनले २३ रन मात्रै बनाए ।
यसअघि टस जितेर पहिले ब्याटिङ गरेको नामिवियाले निर्धारित २० ओभरमा ६ विकेटको क्षतिमा १५९ रन बनाएको थियो । नामिवियाका लागि जेजे स्मितले ४३ रन बनाएका थिए ।
प्रतिक्रिया 4