२०७६ कात्तिक २० गते १८:३३ 
२० कात्तिक, काठमाडौं । मेरिलेबोन क्रिकेट क्लब (एमसीसी)ले तीन दिवसीय फर्ष्ट क्लास क्रिकेटको पहिलो दिनको समाप्तिसम्म नेपालविरुद्ध ३११ रन बनाएको छ ।
त्रिवि क्रिकेट मैदानमा टस हारेर पहिले ब्याटिङ गरेको एमसीसीले खराब प्रकाशको कारण १० ओभरअघि नै पहिलो दिनको खेल सकाएको छ ।
पहिलो दिन एमसीसीले नेपालविरुद्ध ८६ ओभरको समाप्तिमा ३११ रन बनाएको हो ।
एमसीसीका लागि विल रोडसले ७३, विल भान्डर्सपरले ५३, माइल्स हाम्मोनले ५२ र टोम वेष्टलीले ३९ रन बनाए । त्यस्तै, यासिर अरापतले ३५ र एलेक्स थोम्पसनले अविजित २२ रन बनाएका छन् ।
नेपालका लागि सोमपाल कामी, शरद भेषवाकर र सन्दीप लामिछानेले समान २-२ विकेट लिएका छन् ।
प्रतिक्रिया 4