१ मंसिर, काठमाडौं । मुनाफा धेरै कमाउनेमा पहिलो नम्बरमा देखिदै आएको राष्ट्रिय वाणिज्य बैंकले गत आर्थिक वर्षमा बैंकमध्येमा सबैभन्दा धेरै कर तिरेको छ ।
गत आर्थिक वर्ष ०७५/७६ मा बैंक तथा वित्तीय संस्थामध्येकै सबैभन्दा धेरै कर तिरेको भन्दै सरकारले राष्ट्रिय वाणिज्य बैंकलाई आइतबार सम्मान गरेको हो । आठौं कर दिवसको अवसरमा आयोजित कार्यक्रममा अर्थमन्त्री युवराज खतिवडाले सम्मान गरेका हुन् ।
राष्ट्रिय वाणिज्य बैंकले चालु आर्थिक वर्षको पहिलो त्रैमासमा १ अर्ब १२ करोड रुपैयाँ मूनाफा आर्जन गर्दै मुनाफाका आधारमा पनि पहिलो नम्बरमा देखिएको छ ।
यसैगरी मध्यस्तरीय कर धेरै तिर्नेमा कामना सेवा विकास बैंक देखिएको छ । बीमा तर्फ सबैभन्दा धेरै कर तिर्नेमा नेपाल लाइफ इन्स्योरेन्स कम्पनी देखिएको छ । लघुवित्ततर्फ सबैभन्दा धेरै कर तिर्नेमा भने छिमेक लघुवित्त वित्तीय संस्था देखिएको छ ।