१० मंसिर, काठमाडौं । निर्वाचन आयोगले भक्तपुर क्यान्सर अस्पताल व्यवस्थापन समितिले मंसिर ९ गते गरेको डाक्टर र कर्मचारी नियुक्ति निर्वाचन आचारसंहिता विपरीत भएको ठहर गरेको छ ।
आयोगले भक्तपुरमा कात्तिक ८ गतेदेखि नै निर्वाचन आचारसंहिता लागू भइसकेको भन्दै क्यान्सर अस्पताल समितिको निर्णय आचारसंहिता विपरीत भएको ठहर गरेको हो ।
आयोगका प्रवक्ता राजकुमार श्रेष्ठले मंगलबार विज्ञप्ति जारी गरी २४ घण्टाभित्र बदर गर्न अस्पताललाई निर्देशनसमेत दिएको छ । भक्तपुरको निर्वाचन क्षेत्र १ (क) मा मंसिर १४ गते उपनिर्वाचन हुँदैछ ।
