२०७६ मंसिर १० गते २०:०९ 
१० मंसिर, काठमाडौं । १३ औं दक्षिण एसियाली खेलकुद (साग) अन्तर्गत भलिबलका खेल बुधबार सुरु हुँदैछ । घरेलु टोली नेपालले मंगलबार भलिबल खेल हुने स्थल त्रिपुरेश्वरस्थित राखेपको कभर्डहलमा अन्तिम तयारी गरेको छ ।
भलिबलका खेलहरु मंसिर ११ देखि १७ गतेसम्म चल्नेछ । महिला र पुरुष दुवैमा नेपाल, भारत र बंगलादेश एउटै समूहमा छ । नेपालले महिला र पुरुष दुवैमा मंसिर ११ मा पहिलो खेल बंगलादेशसंग खेल्नेछ ।
साग भलिबलमा पुरुषतर्फ ६ र महिलातर्फ ५ टोली सहभागी छन् । महिलामा पाकिस्तानले अन्तिम समयमा नाम फिर्ता लियो भने भुटानले सहभागिता नै जनाएन ।
महिलातर्फ नेपाल र बंगलादेशबीचको खेल मंगलबार दिउँसो ३ बजे हुनेछ भने पुरुषतर्फ नेपाल बंगलादेशबीचको खेल बेलुका ७ बजे शुरु हुनेछ ।
तस्वीरहरु : विकास श्रेष्ठ र शंकर गिरी/अनलाइनखबर
प्रतिक्रिया 4