११ मंसिर, काठमाडौं । प्रमुख सत्तारूढ दल नेकपानिकट विद्यार्थी संगठन अनेरास्ववियूका सह–संयोजक रञ्जित तामाङले मेडिकल कलेजले विद्यार्थीसँग असुलेको अतिरिक्त शुल्क फिर्ता गरे/नगरेबारे अनुगमन गर्न सरकारसँग माग गरेका छन् ।
सरकार र मेडिकल कलेज सञ्चालकबीच मंगलबार राति भएको शुल्क फिर्ता गर्ने सम्झौता कार्यान्वयनमा शंका व्यक्त गर्दै तामाङले अनुगमन टोली गठन गरेर परिचालन गर्न माग गरेका हुन् ।
‘शिक्षा मन्त्रालय र कलेज सञ्चालकबीच हिजो शुल्क फिर्ता गर्ने सहमति भएको छ’, तामाङले फेसबुकमा स्ट्याटस लेखेका छन्, ‘अब सरकारले एउटा अनुगमन टोली बनाएर शुल्क फिर्ता भए/नभएको अनुगमन गर्नु पर्दछ ।’
मेडिकल कलेजले सम्झौता अनुसार अतिरिक्त शुल्क फिर्ता नगरे कडा आन्दोलन गर्ने चेतावनी पनि तामाङले दिएका छन् ।
मेडिकल कलेजले नियमविपरीत शुल्क असुलेको भन्दै विद्यार्थीहरूले आन्दोलन गरेका थिए । शुल्क फिर्ताका लागि सरकारले पनि मेडिकल कलेजलाई अल्टिमेटम दिएको थियो । यहीबीच मंगलबार राति सरकार र मेडिकल कलेज सञ्चालकबीच अतिरिक्त शुल्क फिर्ता गर्ने सहमति भएको छ ।
सहमतिपछि पनि विद्यार्थी तथा तिनका संगठनहरूले सहमति पालना हुनेमा शंका व्यक्त गरेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4