५ माघ, काठमाडौं । सत्य निरुपण तथा मेलमिलाप र वेपत्ता पारिएका व्यक्तिको छानविन आयोगका पदाधिकारीहरु राजनीतिक सहमतिका आधारमा सिफारिस भएको भन्दै जवाफदेहिता निगरानी समितिले आपत्ति जनाएको छ ।
पूर्वप्रधानन्यायाधीश ओमप्रकाश मिश्र नेतृत्वको सिफारिस समितिले शनिबार सत्य निरुपणको अध्यक्ष गणेशदत्त भट्ट र वेपत्ता छाविन आयोगमा युवराज सुवेदीको नाम सिफारिस गरेको थियो । तर जवाफदेहिता निगरानी समितिले भने सत्तारुढ र विपक्षी नेताहरुबीच भएको सहमतिलाई सिफारिस समितिले अनुमोदन गरेको दाबी गरेको छ । साथै ऐन संशोधनपछि मात्र पदाधिकारी नियुक्त गर्न गरिएको आग्रहलाई बेवास्ता गर्नु आपत्तिजनक भएको उसले बताएको छ ।
समितिका संयोजक चरण प्रसाइँले जारी गरेको विज्ञप्तिमा त्रुटिपूर्ण रुपमा गठन भएको आयोगसँग कुनै सहकार्य नगर्ने समेत चेतावनी दिइएको छ ।
